အားကစားသတင်း | ရုပ်ရှင်အညွှန်း | စာအုပ်စင် | ဝတ္ထုတို
လက်ရှိချန်ပီယံ မန်စီးတီးအသင်းဟာ မနေ့ညက ကစားသွားတဲ့ အိုးလ်ထရက်ဖို့ဒ်က မန်ချက်စတာဒါဘီ ပရီးမီးယားလိဂ်ပွဲမှာ မန်ချက်စတာယူနိုက်တက်ကို နော်ဝေးလက်ရွေးစင် တိုက်စစ်မှူး အာလင်းဟာလန်းရဲ့ အထူးခြေစွမ်းပြမှုနဲ့အတူ ၀ – ၃ ရလဒ်နဲ့ သက်တောင့်သက်သာ အနိုင်ရခဲ့ပါတယ် ။
ချဲလ်ဆီးအသင်းဟာ ယနေ့ညအစောပိုင်းမှာ အနောက်လန်ဒန်ဒါဘီ ပရီးမီးယားလိဂ်ပွဲအဖြစ် ဘရန်းဖို့ဒ်အသင်းကို အိမ်ကွင်း စတမ်းဖို့ဒ်ဘရစ်ခ်ျမှာ လက်ခံကစားသွားဖို့ ရှိပါတယ် ။ ပြီးခဲ့တဲ့အပတ်ကလည်း အာဆင်နယ်နဲ့ ရင်ဆိုင်ခဲ့ရတာမို့ ခြင်္သေ့ပြာတို့ လန်ဒန်ဒါဘီ ၂-ပတ်ဆက်တိုက် နွှဲရခြင်းလည်း ဖြစ်ပါတယ် ။
မန်ချက်စတာ ယူနိုက်တက်အသင်းဟာ ပြီးခဲ့တဲ့နွေရာသီစျေးကွက်အတွင်း ချဲလ်ဆီးကွင်းလယ်လူဟောင်း မေဆင်မောင့်ကို ၄င်းတို့ရဲ့ ပထမဆုံး ကစားသမားသစ် ခေါ်ယူမှုအဖြစ် ပေါင် ၅၅သန်း + အပိုဆုကြေး ပေါင် ၅-သန်းနဲ့ တရားဝင် ခေါ်ယူခဲ့ပါတယ် ။ အသက် ၂၄-နှစ် အရွယ်ရှိ မောင့်ဟာ ကော့ဘ်ဟမ်း အကယ်ဒမီထွက် ကစားသမား တစ်ယောက်ဖြစ်ပြီး ၊ ချဲလ်ဆီးဂန္တဝင်ကွင်းလယ်လူဟောင်း ဖရန့်လမ်းပတ်က မြေမြှောက်ပေးခဲ့လို့ ၊ ပရီးမီးယားလိဂ်နဲ့ ကမ္ဘာ့ဘောလုံးလောက အလယ်မှာ နာမည်တစ်ခု ရရှိလာခြင်း ဖြစ်ပါတယ် ။
ဒေးဗစ်ဘက်ခမ်း ရဲ့အင်တာမီယာမီ အသင်းဟာ ဒီနှစ် ဇူလိုင်လမှာ မေဂျာလိဂ်ရဲ့ အကြီးကျယ်အခမ်းနားဆုံး ခေါ်ယူမှူတစ်ခုအဖြစ် လီယွန်နယ် မက်ဆီ ကို ခေါ်ယူအားဖြည့် ခဲ့ပါတယ် ။ ဘာလွန်းဒေါ ၇-ကြိမ်ဆုရှင် မက်ဆီ အမေရိကကို ရောက်လာချိန်မှာ အင်တာမိုင်ယာမီ အသင်းရဲ့ပွဲလက်မှတ် ၊ အင်္ကျီ နှင့် အမှတ်တရ ပစ္စည်းတွေဟာ တစ်ဟုန်ထိုး ရောင်းအားတက်ခဲ့ပြီး ပစ္စည်းပြတ်တဲ့အထိ ဖြစ်ခဲ့ရပါတယ် ။
အာဆင်နယ် အသင်းနည်းပြ အာတီတာ က ဒီကြားရက်မှာကစားမယ့် ဆီဗီးလားအသင်း နဲ့ ချန်ပီယံလိဂ် အုပ်စုပွဲမှာ ဒေးဗစ်ရာယာကို ဆက်လက် အသုံးပြုသွားမှာ ဖြစ်ကြောင်း အရိပ်အမြွက်ပြောကြားလိုက်ပါတယ် ။ စပိန်လက်ရွေးစင် ဒေးဗစ်ရာယာ ဟာ နောက်ဆုံးကစားခဲ့တဲ့ ချဲလ်ဆီးအသင်းနဲ့ ပွဲမှာ အမှားတစ်ချို့ ရှိခဲ့ပြီး ချဲလ်ဆီးအသင်းရရှိခဲ့တဲ့ ဒုတိယဂိုး က ရာယာရဲ့ပေါ့ဆမှုကြောင့် ပေးလိုက်ရတာဖြစ်ပါတယ် ။ အာဆင်နယ်နည်းပြ အာတီတာဟာ ပြီးခဲ့တဲ့ နွေရာသီမှာ ဂိုးသမားနေရာအတွက် ပြိုင်ဆိုင်မှုရှိအောင် ဘရန့်ဖိုဒ့်အသင်းကနေ ဒေးဗစ်ရာယာကို အပြီးသတ် ခေါ်ယူခွင့်ပါရှိတဲ့ အငှားစာချုပ်နဲ့ ခေါ်ယူခဲ့ပါတယ်။
အင်္ဂလန် အမျိုးသမီး ပရီးမီးယားလိဂ်ပြိုင်ပွဲရဲ့ အင်အားကြီးအသင်းတစ်သင်းဖြစ်တဲ့ အာဆင်နယ်အမျိုးသမီးအသင်းက ၂ဝ၂၃-၂ဝ၂၄ အမျိုးသမီးလိဂ် ဘောလုံးရာသီကိုဖြတ်သန်းမဲ့ တရားဝင်လူစာရင်းကို ထုတ်ပြန်ကြေညာခဲ့ပြီးနောက် တစ်သင်းလုံးမှာ လူဖြူအမျိုးသမီးတွေချည်းပဲ ဖြစ်နေလို့ အကြီးအကျယ်ဝေဖန်ခံနေရကြောင်း သိရပါတယ်။အာဆင်နယ်အမျိုးသမီးအသင်းက အင်္ဂလန်မှာ အစောဆုံးပေါ်ထွက်လာတဲ့ အမျိုးသမီးအသင်းတွေထဲက တစ်သင်းဖြစ်သလို အင်္ဂလန် အမျိုးသမီးအသင်းတွေအနက် အအောင်မြင်ဆုံးအသင်းအဖြစ် မှတ်တမ်းဝင်ထားပါတယ်။
ချဲလ်ဆီး အသင်းဟာ မနေ့က ကစားသွားတဲ့ ပရီးမီးယားလိဂ်ပွဲမှာ လန်ဒန်မြို့ခံပြိုင်ဖက် အာဆင်နယ်အသင်းကို ပွဲပြီးခါနီး ၁၃-မိနစ် မတိုင်ခင်အထိ ၂-ဂိုးပြတ်ရလဒ်နဲ့ ဦးဆောင်နေခဲ့ပြီးမှ တစ်ဦးချင်း အမှားတွေကနေ ချေပဂိုးတွေ ပေးပစ်ကာ သရေတစ်မှတ် ခွဲပေးလိုက်ရပါတယ် ။
မန်ချက်စတာစီးတီးတို့ နောက်ပိုင်းမှာ ပုံစံကောင်း မရဖြစ်နေခဲ့ပေမယ့်လည်း ဂျေမီကာရေဂါက လီဗာပူး နဲ့ အာဆင်နယ် တို့ဟာ ပရီးမီးယားလိဂ် အမှတ်ပေးဇယားရဲ့ ဒုတိယနေရာ အတွက်သာ တိုက်ပွဲ၀င်သွားရလိမ့်မယ်လို့ ယုံကြည်နေပါတယ်။ မန်စီးတီးဟာ ၆-ပွဲဆက် အနိုင်ရလဒ်နဲ့ ပရီးမီးယားလိဂ်ကို တာထွက်နိုင်ခဲ့ပေမယ့်လည်း နောက်ဆုံး ၂-ပွဲမှာ ဝုဖ်ကို ၂-၁ ၊ အာဆင်နယ်ကို ၁-၀ နဲ့ ရှုံးကာ ဖလားပြိုင်ဘက်တွေကို အားတက်စေခဲ့ပါတယ်။
စနေနေ့ ရင်ဆိုင်ကစားမယ့် ချယ်လ်ဆီးနဲ့ အာဆင်နယ်တို့ရဲ့စတမ်းဖိုဒ်ဘရစ်ချ်ပွဲစဉ်မှာ ပိုချက်တီနိုရဲ့အသင်းဟာ အားသာချက် အချို့ရှိနေတယ်လို့ ပေါမာဆန်က သုံးသပ်လာပါတယ်။နှစ်သင်းကြား ရမှတ် ၉- မှတ် ကွာဟနေတာဖြစ်ကာ၂၀၁၈-တည်းက ချယ်လ်ဆီးဟာ အိမ်ကွင်းမှာ အာဆင်နယ်ကို အနိုင်မရထားပါဘူး။ ဒီပွဲရလဒ်ဟာ ချယ်ဆီးတို့ ပရီးမီးယားလိဂ် ပြိုင်ဆိုင်မှုထဲ ဝင်လာမလား ၊ အာဆင်နယ်ကပဲ ရှေ့ပိုတိုး ရောက်သွားမလား အဆုံးအဖြတ် ဖြစ်လာနိုင်ပါတယ်။