ချဲလ်ဆီးအသင်းဟာ မနေ့ညအစောပိုင်းက ကစားသွားတဲ့ ပရီးမီးယားလိဂ်ပွဲမှာ တန်းဆင်းဇုန်ထဲက တန်းတက် လူတန်တောင်းအသင်းကို ၃ – ၀ နဲ့ ဦးဆောင်နေခဲ့ပြီးမှ ပွဲပြီးခါနီး ၁၀-မိနစ် အတွင်း ၂-ဂိုး ပေးခဲ့ရတာကြောင့် အနိုင်ရလဒ်ကို ခက်ခက်ခဲခဲရှာဖွေခဲ့ရပါတယ်။

ဒီတစ်ပတ် ကြာသပတေးနေ့မှာ ကစားခဲ့တဲ့ ပရီးမီးယားလိဂ် ပွဲစဉ် ၁၉ -မှာတော့ အာဆင်နယ်အသင်းဟာ အိမ်ကွင်းအမ်းမရိတ်မှာ လန်ဒန်မြို့ခံပြိုင်ဘက် ဝက်စ်ဟမ်းအသင်းကို နှစ်ဂိုးပြတ် အရေးနိမ့်သွားခဲ့ရပြီး အမှတ်ပေးဇယားထိပ်ဆုံးကို ပြန်လည်တက်လှမ်းခွင့်နဲ့ လွဲချော်သွားခဲ့ပါတယ်။

ဒီရာသီမှာ ပုံစံကောင်းတွေပြသနိုင်ဖို့ ရုန်းကန်နေခဲ့ရတဲ့ မန်ချက်စတာယူနိုက်တက်အသင်းဟာ ဗုဒ္ဓဟူး​​​​နေ့နံနက်မှာတော့ အိုးလ်ထရပ်ဖို့ဒ်ကွင်းထဲ အက်စတွန်ဗီလာအသင်းနဲ့ ရင်ဆိုင်ကစားခဲ့ရပြီး 3 – 2 ဆိုတဲ့ ရလဒ် နဲ့အနိုင်ယူသွားနိုင်ခဲ့ပါတယ်။

အင်္ဂလန်လက်ရွေးစင်နည်းပြ ဂါရတ်ဆောက်ဂိတ်ဟာ ထိုရာထူးကို လက်ခံထားတဲ့ ၇-နှစ် -အတွင်း မေဂျာ ပြိုင်ပွဲ ၃-ပွဲ အထိ ဆင်နွှဲခွင့်ရခဲ့ပြီး ၂၀၁၈- ကမ္ဘာ့ဖလားမှာ ဆီမီးဖိုင်နယ် ၊ ၂၀၂၂ -ကမ္ဘာ့ဖလားမှာ ကွာတားဖိုင်နယ်သို့ ပို့ဆောင်နိုင်ခဲ့ကာ ၊ ၂၀၂၀ -ယူရိုမှာတော့ ဒုတိယနဲ့ ကျေနပ်ခဲ့ရပါတယ်။ လာမဲ့ နွေရာသီကာလမှာတော့ အင်္ဂလန်တို့ ယူရို ၂၀၂၄ -ဆင်နွှဲဖို့ ရှိပြီး ဒီပြိုင်ပွဲမှာ ဆောက်ဂိတ် အနေနဲ့ နှစ် ၆၀-နီးနီး ဝေးကွာနေတဲ့ မေဂျာပြိုင်ပွဲ အောင်မြင်မှုကိုပြန်လည် စွမ်းဆောင်ပေးဖို့ ကြိုးစားမှာဖြစ်ပါတယ်။

ချဲလ်ဆီးအသင်းဟာ မနေ့ညက ကစားခဲ့တဲ့ ပရီးမီးယားလိဂ်ပွဲမှာ ဝုလ်ဗ်အသင်းကို အဝေးကွင်းမှာ ၂ – ၁ ရလဒ်နဲ့ အရေးနိမ့်ခဲ့ပြီး ၊ ဒီရလဒ်က ၄င်းတို့ရဲ့ အဆင့်ရပ်တည်မှုကို မပြောင်းလဲစေခဲ့ပေမဲ့ ၊ Top 4 နဲ့ ၁၄-မှတ်အထိ ကွာဟလာပြီဖြစ်ပါတယ်။ ကြားရက်က ကာရာဘောင်ဖလား ကွာတားဖိုင်နယ်မှာ နယူးကာဆယ်ကို ပင်နယ်တီ အဆုံးအဖြတ်မှာ ၄ – ၂ ရလဒ်နဲ့ အနိုင်ရခဲ့လို့ ချဲလ်ဆီးတို့ စိတ်ဓာတ်ပိုင်း ယုံကြည်မှုမြင့်တက်လာပြီလို့ထင်ရပေမဲ့ တကယ်တမ်းမှာ ကစားသမားတွေဟာ ခုချိန်ထိ တည်ငြိမ်တဲ့ခြေစွမ်းကို ထိန်းသိမ်းနိုင်ဖို့ ခက်ခဲနေဆဲဖြစ်ပါတယ်။

မန်ချက်စတာယူနိုက်တက် ဂန္ထဝင်ကွင်းလယ်လူ ပေါလ်စခိုး ဟာ မနေ့ညကပွဲအပြီးမှာ အသင်းဟောင်း ယူနိုက်တက်က ရှေ့တန်းကစားသမားတွေကို ဝေဖန်ပြောဆို သွားခဲ့ပါတယ်။ မန်ယူနိုက်တက်ဟာ မနေ့ညတုန်းက ဝက်စ်ဟမ်းအသင်းကို အဝေးကွင်းမှာ သွားရောက် ရင်ဆိုင်ခဲ့ပြီး ၂-၀ နဲ့ ရှုံးနိမ့်သွားခဲ့ပါတယ်။

ချဲလ်ဆီးအသင်းဟာ ဒီရာသီမှာလည်း ကစားသမားသစ်များစွာ ထပ်ဖြည့်တင်းထားပေမဲ့ ဒဏ်ရာပြဿနာတွေက တစ်ပွဲထက်တစ်ပွဲ လျော့မသွားတဲ့အပြင် ပိုတိုးလာနေတဲ့အတွက် လက်ရှိနည်းပြ မော်ရစ်စီယို ပိုချက်တီနို အနေနဲ့ အကောင်းဆုံး ပွဲထွက်စာရင်းကို ပုံမှန်ရရှိနိုင်ဖို့ ရုန်းကန်နေရပါတယ်။

ဂန်းနား ဂန္တဝင်တိုက်စစ်မှူးဟောင်း ဒန်းနစ်ဘားကမ့် က သူ့ရဲ့အသင်းဟောင်း အာဆင်နယ်အသင်းဟာ ပရီးမီးယားလိဂ်ချန်ပီယံဆုကို ရယူနိုင်တဲ့ အနေအထားမှာရှိနေပြီး မန်စီးတီးထက်စာရင် လီဗာပူးအသင်း နဲ့ အဓိကယှဉ်ပြိုင်ရလိမ့်မယ်လို့ထင်ကြောင်း ပြောကြားလိုက်ပါတယ်။

ဘာစီလိုနာအသင်းဟာ ယနေ့မနက်က ယှဉ်ပြိုင်ကစားသွားတဲ့ လာလီဂါပွဲမှာ အမှတ်ပေးဇယားအောက်ဆုံးက အယ်မားရီးယား အသင်းကို အသင်းခေါင်းဆောင် ဝါရင့်ကွင်းလယ်လူ ဆာဂျီယို ရော်ဘတ်တို့ရဲ့ နောက်ကျ အနိုင်ဂိုးနဲ့ ၃ – ၂ ရလဒ်နဲ့ ကပ်အနိုင်ရခဲ့ပါတယ်။ ဒီပွဲမှာ ဘာစီလိုနာဟာ ၂-ကြိမ်တိုင်တိုင် ပွဲကို ဦးဆောင်နိုင်ခဲ့ပေမဲ့ ချေပဂိုးတွေ လွယ်လွယ်နဲ့ ပြန်ပေးပစ်ခဲ့ပါတယ် ။ ၈၃-မိနစ် အရောက်မှာမှ ရော်ဘတ်တိုက အနိုင်ဂိုးကို သွင်းယူပေးခဲ့တာကြောင့် ဘာဆာတို့ ထင်ထားတာထက် ပိုပြီးခက်ခက်ခဲခဲ ရုန်းကစားလိုက်ရတယ်လို့ ဆိုရမှာဖြစ်ပါတယ်။

မန်ချက်စတာစီးတီးအသင်းရဲ့ ဂန္တဝင်တိုက်စစ်မှူး အဂွေရို ကတော့ မန်ချက်စတာယူနိုက်တက်အသင်းဟာ ဒီရာသီ ပရီးမီးယားလိဂ်ချန်ပီယံဆုကို စိန်ခေါ် နိုင်တဲ့ အသင်းအဖြစ် ရှိနေဆဲဖြစ်ကြောင်း အံ့အားသင့်ဖွယ်ပြောကြားလိုက်ပါတယ်။