ပြီးခဲ့တဲ့ ရက်ပိုင်းအတွင်း အာဆင်နယ် တိုက်စစ်မှူး ဂျေးဇု ဟာ နွေရာသီမှာ အသင်းကနေ ထွက်ခွာတော့မှာဖြစ်တယ်လို့ သတင်းတွေထွက်ပေါ်နေခဲ့ပါတယ်။ အာဆင်နယ်နည်းပြ အာတီတာ ကတော့ အဆိုပါသတင်းတွေကို ငြင်းဆန်လိုက်ပြီး ဂျေးဇု ကို ရောင်းချဖို့အစီအစဉ်မရှိကြောင်း ငြင်းဆို သွားခဲ့ပါတယ်။

မနေ့ညတုန်းက ကစားခဲ့တဲ့ ချန်ပီယံရှစ် ပွဲစဉ်မှာ လိဒ်ယူနိုက်တက်အသင်း ရှုံးပွဲ ကြုံတွေ့ သွားခဲ့ရတာကြောင့် လက်စတာစီးတီး အသင်းဟာ ရာသီကုန်ဖို့ ၂- ပွဲ အလိုမှာတင် ပရီးမီးယားလိဂ်ကို တန်းပြန်တက်ခွင့် ရရှိသွားခဲ့ပါတယ်။ လက်စတာ ဟာ ချန်ပီယံရှစ် အမှတ်ပေးဇယားမှာ ရမှတ် ၉၃- မှတ်နဲ့ ဦးဆောင်နေပြီး ချန်ပီယံဖြစ်ဖို့ အစ်ပ်ဆွစ်ချ်တောင်း အသင်းနဲ့ ဆက်လက်အားပြိုင်ရဦးမှာဖြစ်ပါတယ်။

အာဆင်နယ်အသင်းနည်းပြ အာတီတာ က အိမ်ကွင်း အမ်းမရိတ်တွင် ဘိုင်ယန်မြူးနစ်အသင်း နဲ့ တစ်ဖက်နှစ်ဂိုးစီ သရေကျခဲ့တဲ့ပွဲမှာ ဘန်ဝှိုက် ရဲ့ အပိုင်အခွင့်အရေး အဆုံးမသတ်နိုင်မှုဟာ ပွဲအပေါ် သက်ရောက်မှု ကြီးမားခဲ့ကြောင်း ပြောကြားသွားခဲ့ပါတယ်။ အာဆင်နယ်အသင်းဟာ ဆာကာ ရဲ့ သွင်းဂိုး နဲ့ ပွဲကို ဦးဆောင်နေချိန်မှာ ဒုတိယမြောက် ဦးဆောင်ဂိုး ဖြစ်သွားစေမဲ့အခွင့်အရေးမျိုး ဘန်ဝှိုက် လွတ်လွတ်ကျွတ်ကျွတ် ရခဲ့ပေမဲ့ ဂိုးသမား နော်အာ တည့်တည့်ကိုပဲ ကန်မိခဲ့တာဖြစ်ပါတယ်။

ဂန်းနားကပ္ပတိန် မာတင် အော်ဒီဂတ် က ဒီကြားရက်မှာ ကစားမဲ့ ဘိုင်ယန် မြူးနစ်အသင်းနဲ့ ချန်ပီယံလိဂ် ကွာတားဖိုင်နယ်အဆင့် ပထမအကျော့ ပွဲစဉ်မှာ ပြိုင်ဘက်တိုက်စစ်မှူး ဟယ်ရီကိန်း ကို လုံးဝကြောက်ရွှံ့ စိုးရိမ်နေမှာ မဟုတ်ဘူးလို့ ဆိုသွားခဲ့ပါတယ်။ အင်္ဂလန် လက်ရွေးစင် တိုက်စစ်မှူးဟာ ဒီရာသီမှာ ပုံစံကောင်းရနေတဲ့ တိုက်စစ်မှူးတစ်ဦးဖြစ်ပြီး ပြိုင်ပွဲစုံမှာ ဘိုင်ယန်မြူးနစ်အသင်းအတွက် စုစုပေါင်း ၃၈ -ဂိုးအထိ သွင်း ယူထားပါတယ်။ အာဆင်နယ် အသင်းရဲ့ ခါးသီး မြို့ခံပြိုင်ဘက် တော့တင်ဟမ် အသင်းမှာ ကစားခဲ့ဖူးတဲ့ ဟယ်ရီကိန်း ဟာ အာဆင်နယ်အသင်းဘက်ကို ၁၄ -ဂိုး အထိ သွင်းထားဖူးသူလည်းဖြစ်ပါတယ်။

ဂန်းနား ဂန္တဝင်ဂိုးသမား ဒေးဗစ်ဆီးမန်း က ဒီတစ်ပတ် မန်စီးတီးအသင်းရဲ့အိမ်ကွင်း အီတီဟက်မှာ အာဆင်နယ်အသင်းဟာ သရေတစ်မှတ် ရယူနိုင်လိမ့်မယ်လို့ ယုံကြည်မှုရှိနေပြီး ဂန်းနားတို့ဆီမှာ လက်ရှိချန်ပီယံ မန်စီးတီးအသင်းအပေါ် ကြောက်ရွှံရှိန်နေစိတ် လုံးဝမရှိတော့ကြောင်း ပြောကြားလိုက်ပါတယ်။

ဒက်ကလန်ရိုက်စ် က အင်္ဂလန် အသင်းအတွက် ကစားပေးဖို့ငြင်းဆန်ခဲ့တဲ့ အာဆင်နယ်အသင်းဖော် ဘန်ဝှိုက် တစ်ယောက် နိုင်ငံလက်ရွေးစင် အသင်းအတွက် ပြန်ကစားချင်အောင် ဆွဲဆောင်စည်းရုံးသွားမယ်လို့ ဘယ်ဂျီယံ အသင်းနဲ့ ပွဲကြို သတင်းစာရှင်းလင်းပွဲမှာ ပြောကြားသွားခဲ့ပါတယ်။

ချဲလ်ဆီး အသင်းဟာ မနေ့ညက ကစားသွားတဲ့ အက်ဖ်အေဖလား ကွာတားဖိုင်နယ်ပွဲမှာ ချန်ပီယံရှစ် အမှတ်ပေးဇယားထိပ်က လက်စတာ အသင်းကို ၄ – ၂ ရလဒ်နဲ့ အနိုင်ရကာ ၊ ဆီမီးဖိုင်နယ်သို့ တက်လှမ်းသွားပြီ ဖြစ်ပါတယ် ။ အိမ်ရှင် ချဲလ်ဆီးတို့ဟာ ဒီပွဲမှာ လက်စတာကို ပထမပိုင်းနဲ့တင် ပွဲပြတ်နိုင်ခဲ့သင့်ပြီး ၊ တောင်ပံကစားသမား ရာဟင်း စတာလင်ရဲ့ အသုံးမကျမှုတွေကြောင့် ဒုတိယပိုင်း နာကျင်အချိန်ပိုအထိ အနိုင်ရလဒ်ကို စောင့်ဆိုင်းခဲ့ရပါတယ်။

မနေ့က ညနေမှာ ချန်ပီယံလိဂ် ကွာတားဖိုင်နယ်အဆင့် မဲခွဲပွဲပြုလုပ်ခဲ့ရာ ပွဲအားလုံးဟာ ပရိသတ်တွေကို ရင်ခုန် စိတ်လှုပ်ရှားမှု အပြည့်ပေးနိုင်တဲ့ ပွဲတွေချည်း ဖြစ်နေခဲ့ပါတယ်။ ပရီးမီးယားလိဂ်ရဲ့ ဦးဆောင်သူ အာဆင်နယ် အသင်း‌ကတော့ အရင်တုန်းက ပြိုင်ဘက်ဟောင်းကြီး ဘိုင်ယန်မြူးနစ် နဲ့ ထပ်မံတွေ့ဆုံနေပါတယ်။

ချန်ပီယံလိဂ် ပြိုင်ပွဲမှာ ဗိုလ်စွဲဖို့ ရေပန်းအစားဆုံး အသင်းတွေဟာ ရီးယဲလ်မက်ဒရစ် နဲ့ မန်ချက်စတာ စီးတီး အသင်းတို့ ဖြစ်တယ်လို့ ဆိုလိုက်ပြီး အဲ့ဒီနှစ်သင်းနဲ့ အာဆင်နယ် အသင်းကို မ‌တွေ့စေချင်ပေမဲ့ အသင်းတိုင်းကို လျှော့တွက်လို့ မရကြောင်း သီယာရီ အွန်နရီ က ပြောကြားလိုက်ပါတယ်။