အာဆင်နယ်အသင်းဟာ ဘိုလော့ဂ်နာ အသင်းရဲ့တိုက်စစ်မှူး Joshua Zirkzee (ယောချွှာဇစ်ဇီ) ကို မျက်စိကျနေပြီး စောင့်ကြည့်လျက်ရှိနေတယ်လို့ သတင်းတွေ ထွက်ပေါ် နေပါတယ်။ ဂန်းနားတို့ဟာ လက်တစ်လောမှာ သွင်းဂိုးတွေရဖို့ ရုန်းကန်နေရပြီး ဒီရာသီအသင်း ရဲ့ ဂိုးသွင်းအများဆုံး ကစားသမားက ၆- ဂိုး သွင်းပေးထားတဲ့ ဆာကာ ဖြစ်နေပါတယ်။ လက်ရှိအချိန်မှာလည်း ဂျေးဇု က ဒူးဒဏ်ရာပြဿနာကြုံနေရသလို အန်ကီးတီးယား ကလည်း အာဆင်နယ်အသင်းမှာ ဆက်ရှိဖို့မသေချာ မရေရာတဲ့အနေအထားမှာပါ။ နောက်ဆုံးကစားခဲ့တဲ့ လီဗာပူးနဲ့ ပွဲမှာ အာတီတာ ဟာ ကိုင်ဟားဗတ်ဇ် ကို အထောင်တိုက်စစ်နေရာမှာ ထားကစားခဲ့ပေမဲ့ တိုက်စစ်က ဂိုးရဖို့ ရုန်းကန်ရဆဲဖြစ်ခဲ့ပါတယ်။

ချဲလ်ဆီးအသင်းဟာ ယနေ့မနက်က ကစားသွားတဲ့ ကာရာဘောင်ဖလား ဆီမီးဖိုင်နယ် ပထမအကျော့မှာ ချန်ပီယံရှစ်မှာ ရုန်းကန်နေရတဲ့ မစ်ဒယ်ဘရော့ အသင်းကို ခံစစ်အားနည်းမှုကြောင့်ပေးခဲ့ရတဲ့ တစ်လုံးတည်းသောဂိုးနဲ့ အရေးနိမ့်ခဲ့ရပါတယ်။ ပွဲချိန်အများစုမှာ ဘောလုံးကိုင်ကစားခွင့်ရခဲ့သလို ၊ အခွင့်အရေးများစွာ ရရှိခဲ့ပေမဲ့ ဂိုးမသွင်းနိုင်ခဲ့တဲ့ ချဲလ်ဆီးတို့ ခံစစ်ကလည်း အိမ်ရှင်ရဲ့ တန်ပြန်တိုက်စစ်ဆင်ခြင်း ၊ အမြင့်ဘောနဲ့ ထိုးဖောက်ခြင်းတွေကို ရံဖန်ရံခါခွင့်ပြုခဲ့ရပြီး ၊ ဒါတွေကို တားဆီးနိုင်ခဲ့ခြင်းမရှိတာကြောင့် ဂိုးပေးခဲ့ရတာ ဖြစ်ပါတယ်။

မန်စီးတီးအသင်းရဲ့ အားထားရတဲ့ ကွင်းလယ်ဖန်တီးရှင် ကယ်ဗင် ဒီဘရိုင်းဟာ မနေ့ညက ကစားသွားတဲ့ ဟက်ဒါစ်ဖီးလ် အသင်းနဲ့ ရင်ဆိုင်ခဲ့ရတဲ့ အက်ဖ်အေဖလား တတိယအဆင့်ပွဲမှာ ကာလရှည် တံကောက်ကြော ဒဏ်ရာကပြန်လာအပြီး ပထမဆုံးအကြိမ် လူစားဝင်ခွင့်ကို စတင်ရရှိခဲ့ပါတယ်။ ဘယ်လ်ဂျီယမ် စူပါစတားဟာ ဒဏ်ရာကပြန်လာလာချင်းမှာပဲ စီးတီးအတွက် ချက်ချင်းဆိုသလို တစ်ဂိုး စတင် ဖန်တီးပေးသွားပါတယ်။ ပွဲအပြီး သတင်းစာရှင်းလင်းပွဲမှာ စီးတီး နည်းပြဖြစ်သူ ပက်ဂွာဒီယိုလာက ဒီဘရိုင်း ပြန်လာနိုင်လို့ ဘယ်လောက်ထိ ဝမ်းမြောက်နေလဲ ဆိုတာ အခုလိုပဲမှတ်ချက်ပေးသွားပါတယ်။

ချဲလ်ဆီးအသင်းဟာ မနေ့ညက ကစားသွားတဲ့ အက်ဖ်အေဖလား တတိယအဆင့်ပွဲမှာ ပရက်စတန် အသင်းကို ပထမပိုင်းမှာ ဆိုးရွားတဲ့ ခြေစွမ်းနဲ့ ကစားခဲ့ပေမဲ့ ၊ ဒုတိယပိုင်းမှာ ရခဲ့တဲ့ ဂိုးတွေကြောင့် သက်တောင့်သက်သာနဲ့ နောက်တစ်ဆင့်သို့ တက်ရောက်သွားနိုင်ခဲ့ပါတယ်။ ဒီပွဲမှာ ချဲလ်ဆီးနည်းပြ မော်ရစ်စီယို ပိုချက်တီနိုဟာ အဓိကကစားသမားအနည်းငယ်ကို အနားပေးခဲ့ပြီး ပြိုင်ဖက် ချန်ပီယံရှစ်ကလပ်ကို စတမ်းဖို့ဒ်ဘရစ်ခ်ျမှာ တလေးတစားနဲ့ ယှဉ်ပြိုင်ကစားသွားတာ တွေ့ခဲ့ရပါတယ်။

မန်ချက်စတာ ယူနိုက်တက်ရဲ့ တစ်စိတ်တစ်ပိုင်းကို ဆာဂျင်ရက်ကလစ်တို့ လွဲယူမှုဟာ လာမဲ့ ၆ -ပတ်အတွင်း ကိစ္စအားလုံး ပြီးမြောက်မှာနဲအတူ သရဲနီပရိသတ်တွေ မျှော်လင့်ချက်တွေ အမြန်ဆုံးဖြစ်လာဖို့ ရှိနေပါတယ်။ ဒီအတောအတွင်း ကလပ် ဆုံးဖြတ်ချက်တွေကို ရက်ကလစ်တို့က ပါဝင်ဆောင်ရွက်နိုင်မှာ ဖြစ်ပါတယ်။ ဒါပေမဲ့ အချို့သော ကလပ်ရဲ့ စီပွားရေးကိစ္စတွေကို သူတို့ကိုယ်တိုင် လုပ်ခွင့်ရဖို့တော့ အချိန်အနည်းငယ် စောင့်ရပါဦးမယ်။

ချဲလ်ဆီးအသင်းဟာ ဘင်ဖီကာ အသင်းရဲ့ ပေါ်တူဂီလက်ရွေးစင်ကြယ်ပွင့် ခံစစ်မှူး အန်တိုနီယို ဆေးလ်ဗားကို ခေါ်ယူဖို့ စိတ်ဝင်စားနေကြောင်း The Sun သတင်းဌာနက ထုတ်ပြန်လာပါတယ်။ ဆေးလ်ဗားဟာ မန်ချက်စတာ ယူနိုက်တက်မှ ရက်သတ္တပတ်ပေါင်းများစွာ စောင့်ကြည့်ခြင်းကို ခံထားရတဲ့ နောက်ခံလူတစ်ဦးလည်းဖြစ်ပါတယ်။

အာဆင်နယ်အသင်းနည်းပြ မီခေးလ်အာတီတာ ဟာ ဖူလ်ဟမ် အသင်းကို အဝေးကွင်းမှာ နှစ်ဂိုး တစ်ဂိုး နဲ့ အရေးနိမ့်ခဲ့ပြီးနောက် အသင်းရဲ့ကစားပုံဟာ ဒီရာသီကစားခဲ့သမျှပွဲတွေထဲမှာ အဆိုးရွားဆုံးဖြစ်ခဲ့ကြောင်း ဝန်ခံပြောကြားသွားခဲ့ပါတယ်။ အာဆင်နယ်အသင်းဟာ နောက်ဆုံးနှစ်ပွဲဆက် လန်ဒန်မြို့ခံပြိုင်ဘက် ဝက်စ်ဟမ်း နှင့် ဖူလ်ဟမ် အသင်းတွေကို အရေးနိမ့်ခဲ့ရပြီးနောက် အဆင့်လေးနေရာအထိ ရောက်ရှိသွားခဲ့ကာ ချန်ပီယံဆုကို စိန်ခေါ်နိုင်တဲ့အသင်းအ‌ဖြစ်ကနေ ချန်ပီယံလိဂ်ဝင်ခွင့်အတွက် စိုးရိမ်ရတဲ့အနေအထား ရောက်ရှိသွားခဲ့ပါတယ်။ အာဆင်နယ်နည်းပြ အာတီတာ က ပွဲအပြီးမှာတော့ “တကယ့်ကို ခက်ခဲတဲ့နေ့ရက်ပါပဲ။ ဝမ်းနည်းစရာလည်း ကောင်းပါတယ်။ ပြီးခဲ့တဲ့ ၃-ရက်တုန်းက ဝက်စ်ဟမ်း အသင်းကို ၂ -ဂိုးပြတ် အရေးနိမ့်ခဲ့ရပေမဲ့ ကျွန်တော်တို့အနိုင်ရဖို့ လုံးဝထိုက်တန်တဲ့ အနေအထားရှိခဲ့ပါတယ်။ ဒီနေ့ကတော့ ဒီရာသီ အဆိုးရွားဆုံးပွဲပါပဲ” “ဘောလုံးကိုင်ထားချိန်မှာ လုံလောက်တဲ့ လျင်မြန်မှု နဲ့ ခြိမ်းခြောက်မှုတွေကို လုပ်နိုင်ခဲ့ခြင်းမရှိပါဘူး။ ကျွန်တော်တို့ ဘောလုံးကိုင်ကစားတာ တကယ့်ကို လျော့တိလျော့ရဲ