အားကစားသတင်း | ရုပ်ရှင်အညွှန်း | စာအုပ်စင် | ဝတ္ထုတို
ချဲလ်ဆီး အသင်းဟာ မနေ့ညက ကစားသွားတဲ့ ပရီးမီးယားလိဂ်ပွဲမှာ အမှတ်ပေးဇယားထိပ်က လက်ရှိချန်ပီယံ မန်စီးတီးအသင်းကို အပြန်အလှန် သွင်းဂိုးတွေနဲ့ ခြေရည်တူကစားကာ ၊ တစ်ဖက် ၄-ဂိုးစီ သရေ ရလဒ်နဲ့ တစ်မှတ်စီခွဲယူသွားခဲ့ပါတယ် ။
အင်္ဂလန်အသင်းနည်းပြ ဆောက်ဂိတ် က လက်ရွေးစင်အသင်းမှာ အာဆင်နယ်နောက်ခံလူ ဘန်ဝှိုက်ကို မရွေးချယ်ဝာာ ဟာ သူ့ထက် ပိုစွမ်းဆောင်ရည်ကောင်းတဲ့ ကစားသမားတွေ ရှိနေတာကြောင့်သာ ဖြစ်ပြီး ပြီးခဲ့တဲ့ ကမ္ဘာ့ဖလားတုန်းက ဖြစ်ရပ်နဲ့ မသက်ဆိုင်ကြောင်း ဖြေရှင်းသွားခဲ့ပါတယ် ။
ချဲလ်ဆီး အသင်းဟာ ပြီးခဲ့တဲ့ ဘောလုံးရာသီ ပိတ်သိမ်းခါနီး တစ်လခွဲအလိုမှာ နဂို ၅-နှစ် စာချုပ်နဲ့ ခန့်အပ်ထားခဲ့တဲ့ နည်းပြဟောင်း ဂရေဟမ် ပေါ်တာကို ထုတ်ပယ်ခဲ့ကာ ၊ ကလပ်ဂန္တဝင် ကွင်းလယ်လူဟောင်း ဖရန့်လမ်းပတ်ကို ယာယီ caretaker နည်းပြ အဖြစ် ပြောင်းလဲ တာဝန်ပေးခဲ့ပါတယ် ။
မန်ချက်စတာယူနိုက်တက်အသင်းရဲ့ နည်းပြကြီး အဲရစ်တန်ဟတ် ဟာ မနေ့ညတုန်းက ကိုပင်ဟေဂင် နဲ့ ပွဲစဉ် က အနီကတ် နဲ့ ဒိုင်လူကြီးတွေရဲ့ အချိန်ကြာမြင့်တဲ့ ဆုံးဖြတ်မှုတွေကို ဝေဖန်ပြောဆို သွားခဲ့ပါတယ် ။ မန်ယူနိုက်တက်ဟာ ဒိန်းမတ်မြေပေါ်မှာ အိမ်ရှင် အသင်းကို ၄-၃ နဲ့ ရှုံးနိမ့်ခဲ့တာကြောင့် ချန်ပီယံလိဂ် နောက်တစ်ဆင့် တက်နိုင်ရေးအတွက် ရင်လေးစရာ ဖြစ်လာခဲ့ရပါတယ် ။
အာဆင်နယ် အသင်းနည်းပြ အာတီတာ ကတော့ ကြာသပတေးနေ့မှာ ကစားမယ့် ဆီဗီးလား အသင်း နဲ့ ချန်ပီယံလိဂ် ပွဲစဉ် (၄) မှာ တိုက်စစ်မှူး ဂါဘရီယဲလ်ဂျေးဇု နဲ့ အက်ဒီ တို့ပါဝင် ကစားနိုင်ဦးမှာမဟုတ်ကြောင်း အတည်ပြုလိုက်ပြီး ကပ္ပတိန် အော်ဒီဂတ် ကလည်း ပါဝင်ကစားဖို့ မသေချာသေးကြောင်း ပွဲကြိုသတင်းစာ ရှင်းလင်းပွဲမှာပြောကြားသွားခဲ့ပါတယ်။
ချဲလ်ဆီး အသင်းရဲ့ ကော့ဘ်ဟမ်း အကယ်ဒမီထွက် ကွင်းလယ်လူ မေဆင်မောင့်ဟာ ပြီးခဲ့တဲ့နွေရာသီ အပြောင်းအရွှေ့စျေးကွက် အတွင်း ငယ်ဘဝကလပ်ကို စွန့်ခွာကာ ၊ မန်ချက်စတာ ယူနိုက်တက် အသင်းသို့ ပေါင် ၅၅-သန်း + အပိုဆုကြေး ၅-သန်းနဲ့ ပြောင်းရွှေ့သွားခဲ့ပါတယ် ။
ဂယ်ရီနဗီးလ် က နယူးကာဆယ်အသင်း ကို အဝေးကွင်းမှာ တစ်ဂိုး ဂိုးမရှိ နဲ့ ရှုံးနိမ့်ခဲ့တဲ့ အာဆင်နယ်အသင်း ရဲ့ ချန်ပီယံအခွင့်အရေး နဲ့ ပတ်သက်ပြီး သူ့ရဲ့အမြင်ကိုထုတ်ဖော် ပြောကြားလာခဲ့ပါတယ် ။ ဒါ့အပြင် နဗီးလ် က ဇန်နဝါရီ မှာ တိုက်စစ်မှုးတစ်ဦး ခေါ်ဖို့လည်း အာတီတာ ထံ တိုက်တွန်းပြောကြားသွားခဲ့ပါတယ် ။
ချဲလ်ဆီးအသင်းဟာ လွန်ခဲ့တဲ့ ၆-နှစ်ခန့်က ပရီးမီးယားလိဂ် ဖလားကို နောက်ဆုံးအကြိမ် ဆွတ်ခူးနိုင်ခဲ့ပြီး ၊ အဲဒီနောက်ပိုင်း ချန်ပီယံဆုနဲ့ အနီးစပ်ဆုံး ဆိုလို့ အဆင့် ၃ ၂-ကြိမ်သာ ရခဲ့ပါတယ် ။ လက်ရှိ ချဲလ်ဆီးကတော့ ဒီရာသီ ပရီးမီးယားလိဂ်ဖလားကို လက်တွေ့ဆန်ဆန် စိန်ခေါ်ဖို့ မဖြစ်နိုင်သေးပါဘူး ။
အင်တာမိုင်ယာမီ အသင်းရဲ့ အာဂျင်တီးနားလက်ရွေးစင် အသင်းတို့ရဲ့ တိုက်စစ်ကစားသမားဖြစ်သူ လီယွန်နယ်မက်ဆီ ဟာ ကစားသမား ဘဝရဲ့ (၈) ကြိမ်မြောက်သော Ballon d’Or ဆု ကို ဆွတ်ခူးသွားနိုင်ခဲ့ပါတယ် ။ ဒီဆုကိုတော့ မက်ဆီဟာ အားလင်းဟာလန်း ၊ ကိုင်လီယံအမ်ဘာပေ တို့ကို ကျော်ဖြတ်ရင်း ဆွတ်ခူးနိုင်ခဲ့တာဖြစ်ပြီး အင်တာမိုင်ယာမီ အသင်းပိုင်ရှင်ဖြစ်တဲ့ ဒေးဗစ်ဘက်ခမ်း က သူ့ရဲ့အသင်းသားကို ကိုယ်တိုင်ဆုချီးမြှင့်ပေးခဲ့တာပဲဖြစ်ပါတယ် ။မက်ဆီဟာ PSG ၊ အာဂျင်တီးနား တို့အတွက် အဓိကကစားပေးရင်း ဒီဆုကိုဆွတ်ခူးနိုင်ခဲ့တာပဲ ဖြစ်ပါတယ် ။ ဒါပေမဲ့ ဒေးဗစ်ဘက်ခမ်း က သူ့အသင်းသား အခုလိုဆုရတဲ့အတွက် မိုင်ယာမီမှာ ပါတီပေးသွားမယ်လို့ မက်ဆီ ကို ကတိပေးခဲ့လိုက်ပါတယ် ။
လက်ရှိချန်ပီယံ မန်စီးတီးအသင်းဟာ မနေ့ညက ကစားသွားတဲ့ အိုးလ်ထရက်ဖို့ဒ်က မန်ချက်စတာဒါဘီ ပရီးမီးယားလိဂ်ပွဲမှာ မန်ချက်စတာယူနိုက်တက်ကို နော်ဝေးလက်ရွေးစင် တိုက်စစ်မှူး အာလင်းဟာလန်းရဲ့ အထူးခြေစွမ်းပြမှုနဲ့အတူ ၀ – ၃ ရလဒ်နဲ့ သက်တောင့်သက်သာ အနိုင်ရခဲ့ပါတယ် ။