ချဲလ်ဆီးအသင်းဟာ မနေ့ညက ကစားခဲ့တဲ့ ပရီးမီးယားလိဂ်ပွဲမှာ ဝုလ်ဗ်အသင်းကို အဝေးကွင်းမှာ ၂ – ၁ ရလဒ်နဲ့ အရေးနိမ့်ခဲ့ပြီး ၊ ဒီရလဒ်က ၄င်းတို့ရဲ့ အဆင့်ရပ်တည်မှုကို မပြောင်းလဲစေခဲ့ပေမဲ့ ၊ Top 4 နဲ့ ၁၄-မှတ်အထိ ကွာဟလာပြီဖြစ်ပါတယ်။ ကြားရက်က ကာရာဘောင်ဖလား ကွာတားဖိုင်နယ်မှာ နယူးကာဆယ်ကို ပင်နယ်တီ အဆုံးအဖြတ်မှာ ၄ – ၂ ရလဒ်နဲ့ အနိုင်ရခဲ့လို့ ချဲလ်ဆီးတို့ စိတ်ဓာတ်ပိုင်း ယုံကြည်မှုမြင့်တက်လာပြီလို့ထင်ရပေမဲ့ တကယ်တမ်းမှာ ကစားသမားတွေဟာ ခုချိန်ထိ တည်ငြိမ်တဲ့ခြေစွမ်းကို ထိန်းသိမ်းနိုင်ဖို့ ခက်ခဲနေဆဲဖြစ်ပါတယ်။