ယခုအပတ်ကြားရက်မှာ ဥရောပပြိုင်ပွဲတွေ ၊ ရှုံးထွက်ဖလားပွဲတွေအစား ပရီးမီးယားလိဂ် ပွဲစဉ် ၁၅ -ယှဉ်ပြိုင် ကစားဖို့ ရှိရာ ၊ အိုးလ်ထရက်ဖို့ဒ်မှ မန်ချက်စတာယူနိုက်တက် – ချဲလ်ဆီး ပွဲဟာ ပရိသတ်တွေကို Big Match အဖြစ် စောင့်မျှော်လျက်ရှိပါတယ်။ ရလဒ်ပိုင်းလှုပ်ခတ်မှု မကြာခဏ ရှိတဲ့ ဒီ၂-သင်းရဲ့ ထိပ်တိုက်တွေ့ဆုံမှုဟာ ခန့်မှန်းရခက်ပြီး အိမ်ရှင်သရဲနီတို့ဟာ ရှေ့တစ်ပတ်လုံး ရလဒ်ဆိုးတွေနဲ့ ကျော်ဖြတ်ထားရပေမဲ့ ဧည့်သည် ချဲလ်ဆီးကတော့ ဘရိုက်တန်ကို ဒုတိယပိုင်း ၁၀-ယောက် အကျန်နဲ့ ရင်ဆိုင်ကာ အနိုင်ရလဒ် ဖော်ဆောင်ခဲ့ပါတယ်။

ချဲလ်ဆီးအသင်းဟာ မနေ့က စိန့်ဂျိမ်းစ်ပါ့ခ်မှာ ကစားသွားတဲ့ ပရီးမီးယားလိဂ်ပွဲမှာ အသင်းတစ်သင်းစာလောက် ဒဏ်ရာရနေပြီး ၊ လူမစုံတဲ့ နယူးကာဆယ်ကို ဒုတိယပိုင်းအတွင်း ပေးခဲ့ရတဲ့ခံစစ်အမှားတွေက ဂိုးတွေနဲ့ ၄ – ၁ ရလဒ်နဲ့ အရှက်တကွဲရှုံးခဲ့ရပါတယ် ။ပထမပိုင်းမှာလည်း ချဲလ်ဆီးဟာ အိမ်ရှင်ဖက်ကို စောစောစီးစီး အဖွင့်ဂိုးပေးခဲ့ရပေမဲ့ ၊ ရာဟင်း စတာလင်ရဲ့ တိုက်ရိုက် ဖရီးကစ် သွင်းဂိုးကြောင့် ပွဲကိုပြန်လည်ထိန်းချုပ်ခွင့်ရခဲ့ပါတယ် ။ သို့ပေမဲ့ ဒုတိယပိုင်း ပြန်စတဲ့အခါ ခြင်္သေ့ပြာတို့ရဲ့ ကစားပုံနဲ့ ခြေစွမ်းက လုံးလုံး ထိုးဆင်းသွားခဲ့ပါတယ် ။

ချဲလ်ဆီး အသင်းဟာ မနေ့ညက ကစားသွားတဲ့ ပရီးမီးယားလိဂ်ပွဲမှာ အမှတ်ပေးဇယားထိပ်က လက်ရှိချန်ပီယံ မန်စီးတီးအသင်းကို အပြန်အလှန် သွင်းဂိုးတွေနဲ့ ခြေရည်တူကစားကာ ၊ တစ်ဖက် ၄-ဂိုးစီ သရေ ရလဒ်နဲ့ တစ်မှတ်စီခွဲယူသွားခဲ့ပါတယ် ။

ချဲလ်ဆီး အသင်းဟာ မနေ့က ကစားသွားတဲ့ ပရီးမီးယားလိဂ်ပွဲမှာ လန်ဒန်မြို့ခံပြိုင်ဖက် အာဆင်နယ်အသင်းကို ပွဲပြီးခါနီး ၁၃-မိနစ် မတိုင်ခင်အထိ ၂-ဂိုးပြတ်ရလဒ်နဲ့ ဦးဆောင်နေခဲ့ပြီးမှ တစ်ဦးချင်း အမှားတွေကနေ ချေပဂိုးတွေ ပေးပစ်ကာ သရေတစ်မှတ် ခွဲပေးလိုက်ရပါတယ် ။