ယခုအပတ်ကြားရက်မှာ ဥရောပပြိုင်ပွဲတွေ ၊ ရှုံးထွက်ဖလားပွဲတွေအစား ပရီးမီးယားလိဂ် ပွဲစဉ် ၁၅ -ယှဉ်ပြိုင် ကစားဖို့ ရှိရာ ၊ အိုးလ်ထရက်ဖို့ဒ်မှ မန်ချက်စတာယူနိုက်တက် – ချဲလ်ဆီး ပွဲဟာ ပရိသတ်တွေကို Big Match အဖြစ် စောင့်မျှော်လျက်ရှိပါတယ်။ ရလဒ်ပိုင်းလှုပ်ခတ်မှု မကြာခဏ ရှိတဲ့ ဒီ၂-သင်းရဲ့ ထိပ်တိုက်တွေ့ဆုံမှုဟာ ခန့်မှန်းရခက်ပြီး အိမ်ရှင်သရဲနီတို့ဟာ ရှေ့တစ်ပတ်လုံး ရလဒ်ဆိုးတွေနဲ့ ကျော်ဖြတ်ထားရပေမဲ့ ဧည့်သည် ချဲလ်ဆီးကတော့ ဘရိုက်တန်ကို ဒုတိယပိုင်း ၁၀-ယောက် အကျန်နဲ့ ရင်ဆိုင်ကာ အနိုင်ရလဒ် ဖော်ဆောင်ခဲ့ပါတယ်။