ယခုအပတ်ကြားရက်မှာ ဥရောပပြိုင်ပွဲတွေ ၊ ရှုံးထွက်ဖလားပွဲတွေအစား ပရီးမီးယားလိဂ် ပွဲစဉ် ၁၅ -ယှဉ်ပြိုင် ကစားဖို့ ရှိရာ ၊ အိုးလ်ထရက်ဖို့ဒ်မှ မန်ချက်စတာယူနိုက်တက် – ချဲလ်ဆီး ပွဲဟာ ပရိသတ်တွေကို Big Match အဖြစ် စောင့်မျှော်လျက်ရှိပါတယ်။ ရလဒ်ပိုင်းလှုပ်ခတ်မှု မကြာခဏ ရှိတဲ့ ဒီ၂-သင်းရဲ့ ထိပ်တိုက်တွေ့ဆုံမှုဟာ ခန့်မှန်းရခက်ပြီး အိမ်ရှင်သရဲနီတို့ဟာ ရှေ့တစ်ပတ်လုံး ရလဒ်ဆိုးတွေနဲ့ ကျော်ဖြတ်ထားရပေမဲ့ ဧည့်သည် ချဲလ်ဆီးကတော့ ဘရိုက်တန်ကို ဒုတိယပိုင်း ၁၀-ယောက် အကျန်နဲ့ ရင်ဆိုင်ကာ အနိုင်ရလဒ် ဖော်ဆောင်ခဲ့ပါတယ်။

ချဲလ်ဆီး အသင်းရဲ့ ကော့ဘ်ဟမ်း အကယ်ဒမီထွက် ကွင်းလယ်လူ မေဆင်မောင့်ဟာ ပြီးခဲ့တဲ့နွေရာသီ အပြောင်းအရွှေ့စျေးကွက် အတွင်း ငယ်ဘဝကလပ်ကို စွန့်ခွာကာ ၊ မန်ချက်စတာ ယူနိုက်တက် အသင်းသို့ ပေါင် ၅၅-သန်း + အပိုဆုကြေး ၅-သန်းနဲ့ ပြောင်းရွှေ့သွားခဲ့ပါတယ် ။