ချန်ပီယံလိဂ် ပြိုင်ပွဲမှာ ဗိုလ်စွဲဖို့ ရေပန်းအစားဆုံး အသင်းတွေဟာ ရီးယဲလ်မက်ဒရစ် နဲ့ မန်ချက်စတာ စီးတီး အသင်းတို့ ဖြစ်တယ်လို့ ဆိုလိုက်ပြီး အဲ့ဒီနှစ်သင်းနဲ့ အာဆင်နယ် အသင်းကို မ‌တွေ့စေချင်ပေမဲ့ အသင်းတိုင်းကို လျှော့တွက်လို့ မရကြောင်း သီယာရီ အွန်နရီ က ပြောကြားလိုက်ပါတယ်။

ရီးရဲလ်မက်ဒရစ်အသင်း နဲ့ ပွဲက အငြင်းပွားဖွယ် VAR ဆုံးဖြတ်ချက် ၃ -ခု နဲ့ ပတ်သက်ပြီး အယ်မီရီးယားအသင်းဟာ အတော်လေး ဒေါသထွက် ပေါက်ကွဲလျက်ရှိနေပါတယ်။ လာလီဂါ ရဲ့ အမှတ်ပေးဇယား အောက်ဆုံးရောက်နေတဲ့ အယ်မီရီးယားအသင်းဟာ ရီးရဲလ်မက်ဒရစ် အသင်းကို ပထမပိုင်းအတွင်း နှစ်ဂိုးပြတ် အနိုင်ရနေခဲ့ပြီး ဒီရာသီ သူတို့ရဲ့ပထမဆုံး နိုင်ပွဲကို ရရှိဖို့ နီးစပ်နေခဲ့တာပါ။