ဗာဂျယ်ဗန်ဒိုက်ဟာ မနေ့ညက ချဲလ်ဆီးကို အနိုင်ရရှိခဲ့တဲ့ ကာရာဘောင်ဖလား ဖိုင်နယ်ပွဲစဉ်မှာ စပယ်ရှယ် လက်စွမ်းကို ပြသသွားခဲ့တဲ့ လီဗာပူး ဂိုးသမား ကယ်လီဟာကို အထူး ချီးကျူးသွားခဲ့ပါတယ်။ လီဗာပူးဟာ အချိန်ပိုရဲ့ နောက်ဆုံးမိနစ်ပိုင်းမှာ ဗန်ဒိုက် ခေါင်းတိုက်သွင်းယူခဲ့တဲ့ တစ်လုံးတည်းသော ဂိုးနဲ့ ချဲလ်ဆီးကို အနိုင်ရပြီး ဗိုလ်စွဲခဲ့တာ ဖြစ်ပါတယ်။

ယာဂန်ကလော့ဟာ ပြီးခဲ့တဲ့ အပတ်က ရာသီကုန်မှာ လီဗာပူး ကနေ ထွက်ခွာတော့မှာ ဖြစ်ကြောင်း တရား၀င် ကြေငြာကာ ဘောလုံးလောကကြီးကို အံ့အားသင့်စေခဲ့ပါတယ်။ အဲဒီနောက် လီဗာပူး နည်းပြအဖြစ် ရေပန်းစားတဲ့သူတွေ ထွက်ပေါ်လာခဲ့ကာ ဒီထဲမှာ ဘရိုက်တန် နည်းပြ ဒီဇာဘီ ၊ လေဗာကူဆင် နည်းပြ ဇာဗီအလွန်ဆိုနဲ့ စပါး နည်းပြ ပိုစတီကိုဂလူး တို့လည်း ပါဝင်နေပါတယ်။

ဂန်းနား ဂန္တဝင်တိုက်စစ်မှူးဟောင်း ဒန်းနစ်ဘားကမ့် က သူ့ရဲ့အသင်းဟောင်း အာဆင်နယ်အသင်းဟာ ပရီးမီးယားလိဂ်ချန်ပီယံဆုကို ရယူနိုင်တဲ့ အနေအထားမှာရှိနေပြီး မန်စီးတီးထက်စာရင် လီဗာပူးအသင်း နဲ့ အဓိကယှဉ်ပြိုင်ရလိမ့်မယ်လို့ထင်ကြောင်း ပြောကြားလိုက်ပါတယ်။

ဂရေမီဆူးနက်က ယာဂန်ကလော့ ကိုင်တွယ်နေတဲ့ လက်ရှိလီဗာပူးရဲ့ ပွဲထွက် ၁၁ -ယောက်မှာ မန်ယူနိုက်တက် အသင်းခေါင်းဆောင် ဘရူနိုဖာနန်ဒက်စ်သာ နေရာရနိုင်စွမ်းရှိတယ်လို့ ဆိုလိုက်ပါတယ်။ လီဗာပူးဟာ လက်ရှိမှာ အမှတ်ပေးဇယားရဲ့ ထိပ်ဆုံးနေရာမှာ ရပ်တည်နေပြီး ယနေ့ညမှာ မန်ယူနိုက်တက်ကို အန်ဖီးမှာ လက်ခံကစားရမှာဖြစ်ပါတယ်။

ယာဂန်ကလော့က ဝေဖန်မှုတွေ ခံနေရတဲ့ မန်ယူနိုက်တက်ကို အထင်သေးလိုက်မယ်ဆိုရင် မှားယွင်းသွားလိမ့်မယ်လို့ ဆိုလိုက်ပါတယ်။ လီဗာပူးဟာ ဒီတစ်ပတ်တနင်္ဂနွေနေ့မှာ မန်ယူနိုက်တက်ကို အန်ဖီးမှာ လက်ခံကစားရမှာဖြစ်ပြီး တန်းဟတ်ရဲ့အသင်းဟာ ခက်ခဲတဲ့ ရက်သတ္တပတ်ကို ကြုံနေရကာ ဘုန်းမောက်ကို ၃-၀ နဲ့ ရှုံးနိမ့်ခဲ့သလို ချန်ပီယံလိဂ်မှာလည်း ဘိုင်ယန်ကို ရှုံးကာ အုပ်စုနောက်ဆုံးနေရာနဲ့ ထွက်ခွာခဲ့ရပါတယ်။

မန်စီးတီးအသင်းရဲ့ နည်းပြဖြစ်သူ ပက်ဂွာဒီယိုလာ က ပြိုင်ဖက် လီဗာပူးအသင်းရဲ့ နည်းပြဖြစ်သူ ယာဂင်ကလော့ပ် ဟာ ရင်ဆိုင်ရ အခက်ခဲဆုံး နည်းပြဖြစ်ကြောင်း ၊ ယူနိုက်တက် ဂန္တဝင် ဆာအဲလက်စ် ဖာဂူဆန် ကတော့ သမိုင်းကြောင်းရဲ့ အကောင်းဆုံးနည်းပြဖြစ်ကြောင်း ပြောခဲ့လိုက်ပါတယ်။