မန်ချက်စတာယူနိုက်တက် ဂန္ထဝင်ကွင်းလယ်လူ ပေါလ်စခိုး ဟာ မနေ့ညကပွဲအပြီးမှာ အသင်းဟောင်း ယူနိုက်တက်က ရှေ့တန်းကစားသမားတွေကို ဝေဖန်ပြောဆို သွားခဲ့ပါတယ်။ မန်ယူနိုက်တက်ဟာ မနေ့ညတုန်းက ဝက်စ်ဟမ်းအသင်းကို အဝေးကွင်းမှာ သွားရောက် ရင်ဆိုင်ခဲ့ပြီး ၂-၀ နဲ့ ရှုံးနိမ့်သွားခဲ့ပါတယ်။

ချဲလ်ဆီးအသင်းဟာ ဒီရာသီမှာလည်း ကစားသမားသစ်များစွာ ထပ်ဖြည့်တင်းထားပေမဲ့ ဒဏ်ရာပြဿနာတွေက တစ်ပွဲထက်တစ်ပွဲ လျော့မသွားတဲ့အပြင် ပိုတိုးလာနေတဲ့အတွက် လက်ရှိနည်းပြ မော်ရစ်စီယို ပိုချက်တီနို အနေနဲ့ အကောင်းဆုံး ပွဲထွက်စာရင်းကို ပုံမှန်ရရှိနိုင်ဖို့ ရုန်းကန်နေရပါတယ်။

ဂန်းနား ဂန္တဝင်တိုက်စစ်မှူးဟောင်း ဒန်းနစ်ဘားကမ့် က သူ့ရဲ့အသင်းဟောင်း အာဆင်နယ်အသင်းဟာ ပရီးမီးယားလိဂ်ချန်ပီယံဆုကို ရယူနိုင်တဲ့ အနေအထားမှာရှိနေပြီး မန်စီးတီးထက်စာရင် လီဗာပူးအသင်း နဲ့ အဓိကယှဉ်ပြိုင်ရလိမ့်မယ်လို့ထင်ကြောင်း ပြောကြားလိုက်ပါတယ်။

ဘာစီလိုနာအသင်းဟာ ယနေ့မနက်က ယှဉ်ပြိုင်ကစားသွားတဲ့ လာလီဂါပွဲမှာ အမှတ်ပေးဇယားအောက်ဆုံးက အယ်မားရီးယား အသင်းကို အသင်းခေါင်းဆောင် ဝါရင့်ကွင်းလယ်လူ ဆာဂျီယို ရော်ဘတ်တို့ရဲ့ နောက်ကျ အနိုင်ဂိုးနဲ့ ၃ – ၂ ရလဒ်နဲ့ ကပ်အနိုင်ရခဲ့ပါတယ်။ ဒီပွဲမှာ ဘာစီလိုနာဟာ ၂-ကြိမ်တိုင်တိုင် ပွဲကို ဦးဆောင်နိုင်ခဲ့ပေမဲ့ ချေပဂိုးတွေ လွယ်လွယ်နဲ့ ပြန်ပေးပစ်ခဲ့ပါတယ် ။ ၈၃-မိနစ် အရောက်မှာမှ ရော်ဘတ်တိုက အနိုင်ဂိုးကို သွင်းယူပေးခဲ့တာကြောင့် ဘာဆာတို့ ထင်ထားတာထက် ပိုပြီးခက်ခက်ခဲခဲ ရုန်းကစားလိုက်ရတယ်လို့ ဆိုရမှာဖြစ်ပါတယ်။

မန်ချက်စတာစီးတီးအသင်းရဲ့ ဂန္တဝင်တိုက်စစ်မှူး အဂွေရို ကတော့ မန်ချက်စတာယူနိုက်တက်အသင်းဟာ ဒီရာသီ ပရီးမီးယားလိဂ်ချန်ပီယံဆုကို စိန်ခေါ် နိုင်တဲ့ အသင်းအဖြစ် ရှိနေဆဲဖြစ်ကြောင်း အံ့အားသင့်ဖွယ်ပြောကြားလိုက်ပါတယ်။

အီတလီ စီးရီးအေ နာမည်ကြီးကလပ် ရိုးမားနဲ့ စာချုပ်သက်တမ်း ကုန်ဆုံးဖို့နီးစပ်နေတဲ့ နည်းပြချုပ် ဂျိုဆေးမော်ရင်ညိုက သူဟာ ဖြစ်နိုင်မယ် ဆိုရင် ရိုးမားနဲ့ စာချုပ်သစ် ထပ်ချုပ်ချင်ကြောင်း နောက်ဆုံးပြုလုပ်ခဲ့တဲ့ အင်တာဗျူးမှာ ထုတ်ဖော်ပြောဆိုသွားခဲ့ပါတယ်။

ဘရိုက်တန်အသင်းနည်းပြ ရောဘတ်တို ဒီဇာဘီ ကတော့ အမ်းမရိတ်မှာ အာဆင်နယ်အသင်းကို အရေးနိမ့်ခဲ့ရပြီးနောက် အာတီတာ ရဲ့ အသင်းဟာ လက်ရှိပရီးမီးယားလိဂ်ရဲ့အကောင်းဆုံးအသင်းဖြစ်တယ်လို့ ချီးကျူးပြောကြားသွားခဲ့ပါတယ်။

ဂရေမီဆူးနက်က ယာဂန်ကလော့ ကိုင်တွယ်နေတဲ့ လက်ရှိလီဗာပူးရဲ့ ပွဲထွက် ၁၁ -ယောက်မှာ မန်ယူနိုက်တက် အသင်းခေါင်းဆောင် ဘရူနိုဖာနန်ဒက်စ်သာ နေရာရနိုင်စွမ်းရှိတယ်လို့ ဆိုလိုက်ပါတယ်။ လီဗာပူးဟာ လက်ရှိမှာ အမှတ်ပေးဇယားရဲ့ ထိပ်ဆုံးနေရာမှာ ရပ်တည်နေပြီး ယနေ့ညမှာ မန်ယူနိုက်တက်ကို အန်ဖီးမှာ လက်ခံကစားရမှာဖြစ်ပါတယ်။

ယာဂန်ကလော့က ဝေဖန်မှုတွေ ခံနေရတဲ့ မန်ယူနိုက်တက်ကို အထင်သေးလိုက်မယ်ဆိုရင် မှားယွင်းသွားလိမ့်မယ်လို့ ဆိုလိုက်ပါတယ်။ လီဗာပူးဟာ ဒီတစ်ပတ်တနင်္ဂနွေနေ့မှာ မန်ယူနိုက်တက်ကို အန်ဖီးမှာ လက်ခံကစားရမှာဖြစ်ပြီး တန်းဟတ်ရဲ့အသင်းဟာ ခက်ခဲတဲ့ ရက်သတ္တပတ်ကို ကြုံနေရကာ ဘုန်းမောက်ကို ၃-၀ နဲ့ ရှုံးနိမ့်ခဲ့သလို ချန်ပီယံလိဂ်မှာလည်း ဘိုင်ယန်ကို ရှုံးကာ အုပ်စုနောက်ဆုံးနေရာနဲ့ ထွက်ခွာခဲ့ရပါတယ်။

ဒွိုက်ယော့က မန်ချက်စတာယူနိုက်တက် အသင်းအနေနဲ့ ဂျေဒွန်ဆန်ချို နဲ့ ဒေ့ါမွန်တိုက်စစ်မှုး ဒွန်ရယ်မာလန် တို့ အလဲအထပ် လုပ်သွားဖို့ ရှိနေတဲ့ကိစ္စအပေါ် သတိပေးမှုလုပ်သွားခဲ့ပါတယ်။ ဆန်ချိုဟာ အဲရစ်တန်းဟတ်ရဲ့ ဆက်ဆံရေး ဆိုးရွားနေတာကြောင့် ဇန်နဝါရီမှာ အိုးထရပ်ဖို့ဒ် ကနေ အငှား ဒါမှမဟုတ် အပြီးထွက်ခွာသွားဖို့ ရှိနေပါတယ်။