မန်ချက်စတာယူနိုက်တက်အသင်းဟာ တူရကီမြေမှာ ဂါလာတာစာရေးအသင်းနဲ့ ချန်ပီယံလိဂ်ပွဲစဉ် (၅) ကစားခဲ့ရပြီး ၃ – ၃ ဆိုတဲ့ ရလဒ် နဲ့ စိတ်ပျက်ဖွယ်သရေကျခဲ့ကာ နောက်တစ်ဆင့်တက်ရောက်နိုင်ခြေ အလွန်ပဲနည်းပါးသွားခဲ့ရပါတယ်။ ဒီပွဲစဉ်မှာတော့ မန်ချက်စတာယူနိုက်တက် အသင်းဟာ ဂါနာချို ၊ ဘရူနိုဖာနန်ဒက်စ် တို့ရဲ့ သွင်းဂိုးတွေနဲ့အတူ အစောပိုင်းမိနစ်တွေမှာ ဂိုးပြတ်ဦးဆောင်ထားနိုင်ခဲ့ပေမဲ့ ပွဲချိန် (၂၉) မိနစ်မှာ ဟာကင်ဇီယက်ချ် ရဲ့ ဖရီးကစ်ဂိုးကြောင့် တစ်ဂိုးပြန်ပေးခဲ့ရပါတယ် ။

လက်ရှိချန်ပီယံ မန်စီးတီးဟာ ယနေ့မနက်က ကစားသွားတဲ့ ချန်ပီယံလိဂ်အုပ်စုပွဲစဉ် ၅ -မှာ ဒုတိယနေရာ လိုက်ပ်ဇစ်ကို ပထမပိုင်းအတွင်း မထင်မှတ်ထားဘဲ ဦးဆောင်ဂိုး ၂-ဂိုး အထိ ပေးခဲ့ရပြီးမှ ၊ ဒုတိယပိုင်းသွင်းဂိုးတွေနဲ့ အတူ ၃ – ၂ ရလဒ်နဲ့ comeback အနိုင်ရကာ ၊ အုပ်စုဗိုလ်နဲ့ ၁၆-သင်းအဆင့်သို့ တက်လှမ်းသွားပြီဖြစ်ပါတယ် ။

အာဆင်နယ်အသင်းဟာ အမှတ်ပေးဇယားထိပ်ဆုံးရောက်နေပေမဲ့ ဂျင်မီကာရေဂါ ကတော့ အာတီတာ ရဲ့အသင်းဟာ မနှစ်ကလောက် တိုက်စစ်စွမ်းဆောင်ရည် ထက်မြက်မှုမရှိတော့ကြောင်း သုံးသပ်ပြောကြားလိုက်ပါတယ် ။ ဟားဗတ်ဇ် ရဲ့ နောက်ကျသွင်းဂိုးနဲ့အတူ ဘရန့်ဖိုဒ့် ကို အနိုင်ရခဲ့တဲ့ အာဆင်နယ်အသင်းဟာ ဒီရာသီမှာပထမဆုံးအကြိမ်အဖြစ် အမှတ်ပေးဇယားထိပ်ဆုံးကို ရောက်ရှိလာခဲ့ပါတယ်။ အာဆင်နယ်အသင်းရဲ့ဒီရာသီ စွမ်းဆောင်ရည်ဟာ အထင်ကြီးစရာကောင်းပေမဲ့ ကာရေဂါ ကတော့ လွှမ်းမိုးမှု ၊ လျင်မြန်ထက်မြက်မှု နှင့် ခြိမ်းခြောက်နိုင်မှု အပိုင်းမှာ မနှစ်ကလောက် မကောင်းကြောင်းဆိုပါတယ် ။

ချဲလ်ဆီးအသင်းဟာ မနေ့က စိန့်ဂျိမ်းစ်ပါ့ခ်မှာ ကစားသွားတဲ့ ပရီးမီးယားလိဂ်ပွဲမှာ အသင်းတစ်သင်းစာလောက် ဒဏ်ရာရနေပြီး ၊ လူမစုံတဲ့ နယူးကာဆယ်ကို ဒုတိယပိုင်းအတွင်း ပေးခဲ့ရတဲ့ခံစစ်အမှားတွေက ဂိုးတွေနဲ့ ၄ – ၁ ရလဒ်နဲ့ အရှက်တကွဲရှုံးခဲ့ရပါတယ် ။ပထမပိုင်းမှာလည်း ချဲလ်ဆီးဟာ အိမ်ရှင်ဖက်ကို စောစောစီးစီး အဖွင့်ဂိုးပေးခဲ့ရပေမဲ့ ၊ ရာဟင်း စတာလင်ရဲ့ တိုက်ရိုက် ဖရီးကစ် သွင်းဂိုးကြောင့် ပွဲကိုပြန်လည်ထိန်းချုပ်ခွင့်ရခဲ့ပါတယ် ။ သို့ပေမဲ့ ဒုတိယပိုင်း ပြန်စတဲ့အခါ ခြင်္သေ့ပြာတို့ရဲ့ ကစားပုံနဲ့ ခြေစွမ်းက လုံးလုံး ထိုးဆင်းသွားခဲ့ပါတယ် ။

လီဗာပူးအသင်းရဲ့ ကစားသမားဟောင်းတစ်ဦးဖြစ်သူ ဟိုဆေးအင်းနရစ် ကတော့ အေဂျက်ဇ် အသင်းရဲ့ နည်းပြဟောင်း ဖြစ်သူ အဲရစ်တန်ဟတ် ဟာ မန်ချက်စတာနိုက်တက်မှာ ကစားသမားတွေနဲ့ အဆင်မပြေဖြစ်နေပြီဖြစ်ကြောင်း သုံးသပ်ပြောကြားသွားခဲ့ပါတယ်။

ရီးရဲလ်မက်ဒရစ်နည်းပြ ကာလိုအန်ဆယ်လော့တီဟာ ယခုနှစ် ဘောလုံးရာသီ ကုန်ဆုံးတာနဲ့ ဘရာဇီး လက်ရွေးစင်နည်းပြရာထူးကို လွှဲပြောင်းတာဝန်ယူဖို့ ကမ်းလှမ်းခံထားရကြောင်း သတင်းမီဒီယာ အတော်များများက ဖော်ပြထားကြပါတယ် ။

ဂန်းနားဟောင်း ဟက်တာဘယ်လာရင် က ဒီနှစ် ဘောလုံးရာသီမှာ သူ့ရဲ့ အသင်းဟောင်း အာဆင်နယ်အသင်းဟာ ပရီးမီးယားလိဂ် ချန်ပီယံဆုကိုရရှိဖို့ရာ လုံလောက်တဲ့ အ‌တွေ့အကြုံကို ပိုင်ဆိုင်ထားပြီဖြစ်တာကြောင့် ချန်ပီယံဖြစ်မယ်လို့ ယုံကြည်မှုအပြည့်ရှိနေပါတယ် ။

ချဲလ်ဆီး အသင်းဟာ မနေ့ညက ကစားသွားတဲ့ ပရီးမီးယားလိဂ်ပွဲမှာ အမှတ်ပေးဇယားထိပ်က လက်ရှိချန်ပီယံ မန်စီးတီးအသင်းကို အပြန်အလှန် သွင်းဂိုးတွေနဲ့ ခြေရည်တူကစားကာ ၊ တစ်ဖက် ၄-ဂိုးစီ သရေ ရလဒ်နဲ့ တစ်မှတ်စီခွဲယူသွားခဲ့ပါတယ် ။

မန်ချက်စတာ ယူနိုက်တက်အသင်းဟာ ပြီးခဲ့တဲ့နွေရာသီစျေးကွက်အတွင်း ချဲလ်ဆီးကွင်းလယ်လူဟောင်း မေဆင်မောင့်ကို ၄င်းတို့ရဲ့ ပထမဆုံး ကစားသမားသစ် ခေါ်ယူမှုအဖြစ် ပေါင် ၅၅သန်း + အပိုဆုကြေး ပေါင် ၅-သန်းနဲ့ တရားဝင် ခေါ်ယူခဲ့ပါတယ် ။ အသက် ၂၄-နှစ် အရွယ်ရှိ မောင့်ဟာ ကော့ဘ်ဟမ်း အကယ်ဒမီထွက် ကစားသမား တစ်ယောက်ဖြစ်ပြီး ၊ ချဲလ်ဆီးဂန္တဝင်ကွင်းလယ်လူဟောင်း ဖရန့်လမ်းပတ်က မြေမြှောက်ပေးခဲ့လို့ ၊ ပရီးမီးယားလိဂ်နဲ့ ကမ္ဘာ့ဘောလုံးလောက အလယ်မှာ နာမည်တစ်ခု ရရှိလာခြင်း ဖြစ်ပါတယ် ။