ချဲလ်ဆီးအသင်းဟာ ယနေ့မနက်က ကစားသွားတဲ့ ပရီးမီးယားလိဂ်ပွဲမှာ ၄င်းတို့ကဲ့သို့ ရလဒ်ပိုင်း မတည်မငြိမ်ဖြစ်နေတဲ့ မန်ချက်စတာယူနိုက်တက် အသင်းကို အိုးလ်ထရက်ဖို့ဒ်မှာ စိတ်ပျက်ဖွယ်ခြေစွမ်းနဲ့ အတူ ၂ – ၁ ရလဒ်နဲ့ အရေးနိမ့်ခဲ့ပါတယ် ။ ဒီပွဲမှာ ခြင်္သေ့ပြာတို့ရဲ့ ခံစစ်ကစားပုံ ၊ ကွင်းလယ်ထိန်းချုပ်အား ၊ ဘောလုံးပေးပို့ပုံတွေ အတော်ဆိုးရွားခဲ့ပါတယ်။ အထူးသဖြင့် ဒီမတိုင်ခင် အသံမျိုးစုံထွက်ခဲ့တဲ့ မန်ယူနိုက်တက်ကို ဂိုးပေါက်ခြိမ်းခြောက်မှု အကြိမ်ရေ ၃၀- နီးနီး ခွင့်ပြုခဲ့ရတာက ပိုချက်တီနိုရဲ့ ချဲလ်ဆီးအဖို့ အတော်စိတ်ပျက်စရာကောင်းခဲ့ပါတယ်။

ချဲလ်ဆီးအသင်းဟာ ယနေ့ညမှာ မန်ချက်စတာယူနိုက်တက်အသင်းကို အိုးလ်ထရက်ဖို့ဒ်သို့ သွားရောက်ရင်ဆိုင်ရမှာဖြစ်ပြီး ဒါဟာ ၂-သင်းလုံး အတွက် အရေးပါတဲ့ပွဲတစ်ပွဲလည်း ဖြစ်ပါတယ်။ အထူးသဖြင့် ဒီရာသီခြေမမှန်တဲ့ ၂-သင်း ထိပ်တိုက်တွေ့ဆုံမှုဖြစ်တာကြောင့် အနိုင်ရမဲ့အသင်းက ချန်ပီယံလိဂ်ဝင်ခွင့်အတွက် အခရာကျမယ့် ၃-မှတ်ကို ပိုင်ဆိုင်ခွင့် ရမှာဖြစ်ပါတယ်။